《帝女花之庵遇》（适用于字幕机）
旦：孤清清 路靜靜
呢朵劫後帝女花
怎能受斜雪風淒勁
滄桑一載裏
餐風雨續我殘餘命
鴛鴦劫後此生
更不複染傷春症
心好似月掛銀河靜
身好似夜鬼誰能認
劫後弄玉怕簫聲
說甚麽連理能同命
念國亡 父崩
母嗌 妹夭 弟離
剩我借一死避世敲經
複憐駙馬空枉有誓盟訂
唉 怕憶劫後情
誰願再認
只有飄飄落葉伴殘命
一哭國土血尚腥
再哭父死都未得葬皇陵
奈何佛法難護庇
枉敲青磬咯
哀帝女 念盡阿彌
難把國魂喚醒
唉 老姑姑都已經
於月前死去咯
呢個新嚟嘅住持
佢都未識得帝女花嬌
更未解憐香惜玉
當此快雪初晴
便命我把山柴拾取唉
正是不求樂昌圓破鏡
祗憑魂夢哭王陵
生：我飄零猶似斷蓬船
慘淡更如無家犬
哭此日山河易主
痛先帝白練無情
歌罷酒筵空
夢斷巫山夢
雪膚花貌化遊魂
玉砌珠簾皆血影
幸有涕淚哭茶庵
愧無青塚祭芳魂
落花已隨波浪去
不複有粉剩脂零
冷冷雪蝶尋梅嶺
曲終弦斷香銷劫後城
此日紅閣有誰個悼崇禎
我燈昏夢醒哭祭茶亭
釵分玉碎想殉身歸幽冥
帝後遺骸誰願領
碧血積荒徑
旦：雪中燕已是埋名和換姓
今生長願拜觀音掃銀瓶
生：哎呀點解呢個道姑咁似
已經死咗個長平宮主呢
等我扣門一問至得
師傅開門
唉吔
點解佢閉門不納呢？
待我衝門而進至得
旦：請問呢位施主衝門
借茶還是拜神
師傅請問道姑你貴姓吖
旦：吖 貧道俗身姓沈
法號慧清
生：你叫做慧清呀
飄渺間往事如夢情難認，
百劫重逢緣何埋舊姓
夫妻斷了情
旦：唉 鴛鴦已定
烽煙已靖 我偷偷相
試佢未吐真情令我驚
夭折紅顔命
我願棄凡塵伴紅魚和青罄
敲經斷俗世情
雖則烽煙已靖
須知罡風也勁
守身應要避世休談愛戀經
生：論理佢應該把夫婿認
複合了
偷偷暗中喚句卿卿
徽妮 宮主
旦：施主你叫喚何人呐
我叫喚宮主咯
咁宮主系施主你何人呢
生：宮主系我妻房
旦：施主你叫喚妻房
應該在家中叫房中叫
何解你叫到來
佛門清靜地呢
俗世塵緣事我唔願聽
你莫尋偶清規地
將觀音兩番誤作湘卿
哎呀 你似瘋癲
我不禁失驚暗中念句經
我今都已將剃度
半生夢已醒
勸君休錯認
我才十歲經棲身皈依佛法
一心拜神靈
生：你咁忍心真系唔認我
啊 試問誰無骨肉之親
誰無父女之情呢
等我講嚇先帝崇禎慘事
若果佢喊親呢
不問而知就梗系宮主叻
好 等我試嚇佢至得
我複向前朝認
歎崇禎巢破家傾
你可有爲佢沈痛
沈痛敲經
靈台裏 歎孤清
月照泉台靜
一對蠟燭也無人奉敬
哎呀 師傅乜你喊嘛
唔通你就系宮主
旦：施主 你錯啦
皇帝系爲我地而死嘅
試問我又點可以唔喊呢
我哭故國凋零
問誰能忘佢自縊在紅閣
謝民愛甘犧牲性命
感先帝哭絕了聲
生：深宮裡有朵帝女花
佢嘅慘處你可再願細聽
旦：帝女花已遭劫難
我不願再聽
怕荒山冷靜
誰願與君孤單相對
犯了清規玷辱了名
施主
我知道你系一個傷心人
但可惜呢度唔系傷心地
恕貧道不能奉陪了
我我告退嘞阿彌陀佛
生：師傅你唔好行住
我想求嚇你 我求你
你帶我去燒香懺嚇舊情
旦：仙庵寶殿多清靜
不要凡人妄敲經
莫忘形 我勸君勸君
再莫染情狂病
更未許再留停
生：師傅
帶我去燒柱香你都唔肯
你唔帶我去我自己去
旦：哎呀 唔得嘅
生：師傅，
點解觀音大士蓮座之下
有一男一女呢。
旦：哦，一個系金童。
一個系玉女，師傅，
咐系唔系自有觀音以來
就有金童玉女永不分離。
生：哦，師傅，
咐點解一自皇城劫後，
只留番一個金童，
唔見左個玉女呢。
旦出家人不明塵世事，
施主請上香。
生：觀音座下亦同命鳥
悲鳳去樓空
只剩得我情未磬，
向觀音哭泣獨吊離鸞影
盼爲我顯靈性；師傅，
觀音系唔系好靈架。
旦：系呀。
生：唉，觀音菩薩，
大慈大悲，你救苦救難
若果我能夠與宮主團圓
我真系答謝神恩。
旦：唉，佢太癡情，
悲婚姻難成斷碎龍鳳配
被戰火毀碎了三生證，
今生不再貪花月情，
天生宮花薄命，
怕認怕認，
寸心寸心碎盡已無餘剩
更未許有餘情
生：師傅，舊時有一個
樂昌宮主共個徐駙馬
都可以破鏡重圓，
我又系駙馬，
人又系駙馬，
點解人地咐夠福，
我咐衰呢。
旦：嘢，我點知呢。
生：唉樂昌於昔日
尚可破鏡重明，
樂昌釵分後尚與駙馬重認
哀我一生一世寂寞，
虛有其名，
夢難成，債難清。
旦：休再感慨那釵分複合
泣怨聲聲，羞聽羞聽，
我不禁淚暗凝。
生：師傅你呃我嘅。
旦：我呃你乜嘢呀。
生：你話觀音菩薩好靈嘅
我話佢一的都唔靈。
罵聲觀音昏憒，
你有千眼都唔靈，
好夫妻一朝相會，
你怎不負責調停，
枉燒香敲經將你侍奉，
枉她錯念經，
將那香燭一切盡折斷，
我屈氣難平，罵神靈。
旦：咪玷辱觀音，
只怨你今世不配有駙馬名
生：遭百劫也留形，
我爲花迷還未醒。
旦：唉帝花嬌不比柳花青
我身世自幼孤單似浮萍。
生：你從前多纖瘦，
一般秋水也含情。
旦：對紅魚敲青磬，
我餐餐都食銀芽和白菜，
怎能與宮花相比並。
生：莫再不相認，
只怕我別後你病染相思症
情何堪你在此孤零，
應感我熱誠。
旦：你枉對修女亂說情
生：曦，你太不近人情
旦：我話你至不近人情
盼狂生你重把婚盟聘，
歸去歸去，我一片好心
代替觀音點破你愚情。
生：哭江山破夢覺繁榮
鴛鴦劫，玉女逃情，
甯以身殉搏後評。
我甯以身殉
不對玉女再求情。
旦：唉駙馬爺駙馬爺。
生：呀，宮主你認我叻咩。
旦：對—載青燈和黃卷，
到此方知劫後情。
工尺譜轉帖自“紅船粵劇網絡”（http://www.009y.com/thread-18031-1-1.html）
