生：禦園花開遍。
白：你愛花吾愛啊
旦：微臣忙於國事，
無此閒情逸致喔主上。
生：嘥曬，嘥曬！
生：孤願抱花眠。
生：抱花眠，
系好趣既喔酈丞相。
旦：賞花惜花
都還可以，
如果講到話眠花，
就似乎褻瀆左的咧。
生：你睇杏媚桃豔，
果只浪蝶已心都軟咯，
永日繞花前。
生：花既顏色，
花既香氣，
系好得人愛既。
之但系花又吾知道
人愛距果道弊呢。
旦：系咩？生：吾，
生：枉我愛花不厭。
旦：花有空谷蘭，
未必由人愛。
生：我愛咪得咯。
旦：咪甘啦主上。
生：使乜人愛啫。
旦：你漫談花事，
已到白石橋邊。
生：我叫句酈卿家。
旦：我尊聲萬歲爺。
生：嚇！唉也，
你真系嬌架啫。
生：對此畫意詩情，
正好把你才華一展。
生：酈丞相，
你正系才高八斗，
吟首即景詩畀我好嗎？
旦：微臣敬謝不敏。
生：嚸解呢？嚇？
嚸解啫？
旦：我不是詩人李太白，
豈容獻醜在君前。
生：吾怕，怕乜野啫！
旦：上林景色勝天堂，
請恕我筆未生花
難渲染。
生：酈卿你詩清如水，
應份要一揮而就，
都莫多言好嘛？
我呼宮監喚宮娥，
即刻奉上雲箋和墨硯。
生：嚟啦，聽下話啦。
你想寫景你就寫景，
你想寫情咪寫情咯。
而且你系女…
旦：女乜野呀，
生：女，磊落光明
既大丈夫呀嗎
甘又駛乜怕醜怕到
耷耷頭左左面呢又？
旦：我之所以低頭系思想
我之所以耷面系沉吟
我經已胸有成竹叻，
等我揮成詩句獻君前。
生：好，好，好！
旦白：詩已寫成，
敬呈御覽。
旦：草草書成皇恕宥。
生：果然轉眼就成篇。
旦：可惜詩句甚平常。
生：吾系！
生：我話卿家
你可圈還可點。
旦：你褒獎我啫
生：酈丞相你聽住，
睇我有冇讀錯。
白石橋頭縱馬蹄，
春風拂袖柳初齊；
碧繩倒影煙波暗，
青幔遮蔭日色低。
流水靜中雙燕語，
隔花深處一鶯啼；
上林九度留金輦
雨露恩濃舞席西。
生：哈，真系好詩，
系卿家你至諗得到既。
生：你吟詩的句子
確屬自然，
嚸得我共卿長日對，
風花雪月天。
旦：亂甘題詩休取笑，
不過描模那景，
句句系胡言。
生：宰相吟詩意味甜。
甜詩一首惹情牽。
到底美人心容易軟，
等我來挑逗結奇緣。
上石桥
我舉絲鞭拂柳條，
我彈起綠葉凝珠，
濺上距既芙蓉粉面。
生：唏，唏
旦：哎呀！主上，
點解你敢樣既啫！
畀人睇見有乜好睇呢！
咪啦！吾好咧！
生：哈哈哈！
乜事吖嗎！
旦：唉也也，
君皇戲弄，
有意癡纏呀。
生：哈哈哈！
旦：鞭花拂柳
露珠飛濺，
知距有意想摘純潔白蓮。
我寧為玉碎心最堅，
唯一之希望立刻出禦園。
唉，無翼我嚸飛呢，
確系夠驚險，
皇是尋花蜂採花心易見。
生：嚸解吾出聲呀？
旦：冇野呀。
生：梗系嬲我都樂忘形，
把的露珠彈粉面。
旦：吾系。
生：等我同你
抹翻凈距啦。
旦：不必啦！
旦：君臣應守禮，
請勿損莊嚴。
生：莊嚴？
生：齊家治國
就要講莊嚴，
講到弄月吟風，
我哋就要談下香豔好嘛？
生：卿家
我有一首即景既豔詩，
可以話要來讚美你既。
拿，甘你聽住咯喔。
旦：微臣恭聽。
生：風流舊態帽欹斜，
柳葉飛珠濺臉霞；
人到上林花減色，
生成玉貌似嬌娃。
生：你話有冇贊錯呀？
旦：你問我呀？
旦：心驚震口難言，
無怪話伴君猶如伴虎眠，
睇距妙語相關何宛轉，
詩詞句句都有弦外之言。
生：乜你默默無聲，
究竟聽吾聽見？
生：呢首詩詞
都怕夠香豔掛？
旦：有此香詞豔句，
可以引動嬋娟。
可惜我系男子不情牽。
生：我共你相對吟哦，
似吾似那一雙情燕？
旦：我就話吾似啦。
大家都系男人，
甘又嚸會似呢主上？
生：可惜你聲聲
都話系男人。
如果你系女人就……
旦：就就乜野呢主上？
旦：明堂不是女嬌研，
既屬君臣應自檢，
豈能戲弄作狂言。
朝中事，不可忘。
我別過明君離上苑。
生：咪扯住，
旦：做乜猛住我啫主上？
我扯啦！
生：咪扯住得架，
講下笑，
好似滾水漉腳甘
做乜野得架？
駛乜甘認真呢？
拿，吾岩又試講過之嘛。
吾岩等我同你
去第二處行下咧？
旦：第二處行下？
你睇下，個天都黑咯。
生：哦，的花陰啫。
旦：一聲無奈陪王駕。
生：等我安排妙計網彩鸞。
生：人來，擺駕天香館。
拿，好聲行呀。
旦：你駛乜拖住
人哋只手啫？
生：我驚跌你你吖嗎，
旦：我自己會既叻，
生：拿！上石級呀！
旦：我睇到啦主上。
生：呀蕉皮
旦：都話得咯，
嚸解你甘長氣啫！
生：跌嚫你個波蘿蓋呀。
生：共你攜手到天香，
我共你飲杯為至上咯。
正所謂飲教微醉，
至有商量。
自古話醉月醉月飛觴，
甘至情快暢
趁住燈紅酒綠，
意飛揚。
如此風月風月良宵，
少不了葡萄佳釀。
旦：主上你何必
以酒為鄉呢？
我亦愧無滄海量。
生：試試下就得啦嘛。
旦：自古話酒為毒藥，
生：邊個話？
旦：可穿腸。
生：你吾好飲甘多
咪得咯。
旦：莫令酒迷愚宰相；
不容酒誤我哋個好君皇。
生：吾怕。
旦：錦繡河山宜永享。
試問風流天子，
有幾個國運，
生：乜你都知我風流咩
旦：能長！
生：我嚸同果地啫？
生：今日天下太平，
有福就要君臣，
旦：君臣乜野呢主上？
生：來共用。
生：咪掃興飲杯先。
旦：我吾曉飲酒架主上。
生：斟密地，密地斟，
斟斟下就密地咪重好。
旦：吾好啦主上。
我都話吾曉飲酒架咯！
生：吾怕既，
生：拿同歡暢，
拿同歡暢，
兩家醉後有歌唱。
明堂甜美非常，
我之所以愛明堂。
你是玫瑰幾甘動人，
皇心終日向咯。
旦：你亂言亂語多怪像，
酒不應醉歌不應唱，
九五之尊
你為何入醉鄉呢？
生：消下愁，
齊齊沉醉一場，
拿醉左去舞霓裳。
我願留你今晚同床，
尤為歡暢。
旦：主上，
你系君我系臣，
嚸可以同床共宿呢？
以後提都吾好提，
講都吾好講呀！
生：講就吾怕講。
你真系太頑固咯，
君臣聯歡下，
有乜所謂啫？
旦：吾岩既。
生：邊個話吾岩，
我話岩就岩，
我系皇帝你知嘛！
你讀過書架？
開講話聯床佳話，
已經有過漢帝嚴光。
旦：我以為未必掛。
生：點解呢？
旦：願皇酒後莫荒唐。
聯床故事，原疑案，
誰可以追查漢帝
問嚴光？
未見龍樓居宰相，
哪有朝臣伴帝皇？
又聽得醮樓報到鼓聲聲，
我欲告辭回府往。
生：也
旦：哎也，做乜野
猛住我啫？
生：你咪甘早扯至得架，
你睇今晚
一輪明月照當空，
甘好月色你都話要扯？
旦：好夜既啦！
生：傻啦！咪扯住，
陪孤皇傾下，
吾好嘥曬今晚
甘好月色，好嗎？
旦：敢你有乜野
就快地講啦！
生：今晚月都甘明，
拿拿兼且人又靜，
傾埋呢半晚又何妨？
漢帝與果位嚴光，
有一段佳話長留，
你嚸可以認為系疑案。
天子愛良臣，
才有天香留宿，
你又怕乜
學下果一位嚴光。
我愛酈明堂，
我愛你面似桃花，
你醉後暗流有點香汗番。
距香到入心來，
真系如蘭似麝，
能不令天子瘋狂。
我願卿今夜都莫言旋，
好心你順下孤皇
呢一趟，好嘛？
旦：你吾好把手拉腳啦，
我一定要扯既咯。
旦：睇距詐醉來調戲，
距全吾像帝皇。
我好心慌，
生：嘻嘻，
你過嚟共我講啫，
何必對皇又甘端莊。
旦：睇你越講越重奇，
我要歸家往，
敬乞明君恩諭降。
生：不准！
唱：正系天香情調美，
一定都要同床。
我表示愛賢臣，
脫下呢件麒麟蟒。
旦：君前不露體，
生：怕乜野啫？
旦：為怕過刀亡。
生：吾會！
旦：天香館地必須離，
有話留回金殿講。
生：傻啦！
喺金殿邊處
講得野既啫。
而家我同你君臣講下
就冇所謂既啫嘛，
在金殿兩班文武，
嚸講得細膩啫？
吾怕咧。
旦：都話吾好咯！
旦：皇后到添咯。
生：唉也，死啦，
冇曬行添！
生：宮監一聲傳皇后到，
呢個風流皇帝，
眼光光就冇曬行系咯。
旦：我謝天謝地咯！
